CR1/2"從晴朗......發"三個月review(不識廣東話勿入)

以下文章，唔識廣東話勿看！速逃為上！

此乃reply一newsgroup之文，全篇口語化，無精力轉為白話文(係！我懶！)，終於決定原隻上！

*********************************************************************
我......實在唔想再寫呢個節目個名，好長好"囉"，又難set簡稱，殺死我把啦！

881這邊只聽每日7-8am，頂唔順，馬家輝在佢個專欄讚過施南生有料，話佢似以前D"沙龍女主人".........呢個就係問題啦，"沙龍女主人"係有學識，但知鬼民生疾苦！第一曰做節目聽個綜緩家庭case，成個人呆左，弟曰同報紙講"我依家先知有甘多慘事...".....暈........依家西九龍開正文化個番先叫做有D紋路(但評論水平依然差過其他文化人)......以後呢?以後點算?

張楚勇........做過BBC.....陶傑夠係，差甘遠?(雖則唔鐘意陶傑太過刻薄，但唔可以唔服)..."持平"到有時覺得佢同港台周融調得轉(不過公平D講句，佢又無周甘"親中"，明顯無扭曲自己意見去做人打手)

做傳媒最重要係做好"監察"，佢地既問題唔係講錯野，而係做到無神無氣，為"持平"而失去"監察"力度，"溫柔敦厚"成咁，尼個"見到棺材都唔識驚"既政府真係唔采佢地.........

***********************************************

有個禮拜903吳君如無做節目，有人於newsgroup叫好，順便講埋邊個組合好，我又reply......

*******************************************

我覺得盧覓雪+林狗+杜生三人好D盧覓雪雖然好勤力，資料搜集足夠，但太正經啦(即使用"頭條新聞"尺度去講)，而且評論方面水平一般，我有時覺得好悶.....就快ZZZZZZ.....但有佢就可平衡下 and provide more 背景資料比聽眾。

林狗完全get 到"如何嘻笑怒罵地在娛樂頻道做時事節目"，高！

一直覺得杜生做唔到獨當一面，因為佢control不到自己，若果有個自大又無料之人"帶壞"(君如!)，個節目真係噪音！但若有個有料之人head得住他(林狗)，佢都可以做得有紋有路，好的"小丑角色"在這類型節目有"錦上添花"之效。

君如一定唔做小丑(雖然有時自已笑自己，但氣勢上依然力求做主角，扮低能只係"表示自己down to earth")，林狗head得住她，但顯然根本無興趣同佢合作，head都費事，結果個節目好似三個人自說自話，林狗得閒有興緻就出來"打遊擊"式發表言論或串下君如，比起星期一至三，無神無氣！我完全相信頭二星期林狗話"好掛住呀澤"係真心！君如一同杜生分開，個感覺非常清楚，頭一星期我已經覺得星期四五特別不順耳，到依家，更加肯定。

上星期，我都好開心！

********************************************************