"執房"怪談(廣東話廣東話)

放假，換傢俬，順道收拾房間。

執了十個垃圾袋，每個50X50cm大，足以填滿房間，但以前........(雜物識縮骨功？我有幻覺仲有位走？驚....)

98/99/00年信用卡單手電單全部仲未掉，驚。(留來做乜？停電燒來取暖？)

床單枕頭套半年無換，驚。(你唔驚？唔係呀？)

有用物件加書/CD等暫時搬離房間，填滿整個客廳，驚。(間屋細到甘？我多野成甘？)

多次拾起某物件後高呼:"乜我有尼樣既咩！？！"，驚，梗驚。

書有塵，CD有塵，電話/Hi-Fi有塵，窗簾有塵，牆又有塵(仲要掉牆紙)，地毯大把塵，驚。(我原來住係垃圾房？！)

地毯底有餅/薯片碎，但從來無蟲無蟻，驚。(蛇蟲鼠蟻都唔要我間房...)

睇番以前自已D相，驚。睇到依家個樣，仲驚。

執完野，見天光，原來執左十幾個鐘，驚。(我有無食過飯？)

傢俬送到，又執野，執完，開心。忽然見到個銀包，想起洗左唔少錢，驚。

見間房閃令令，開心。想想幾個月後會變成點，驚。

邊個夠膽同我住?！嘿！