Tuesday, February 21, 2006

中環價值大哂?

今天出門時,遇上某親戚送喜帖上門,不得不道勞兼應酬幾句:

親戚:你在XXXX工作啊,在何處?
我:金鐘
親戚:嘩,好有發展啊,是吧!
我:.........

在金鐘工作=好有發展?呵呵,金鐘有Pacific Place有高貴酒店有高等法院,俺天天出入於其中(來回地鐵站),也有香港公園,內有百鳥居一個,香格里拉前更有無數烏鴉於傍晚徘徊,每天冒着禽流感之險穿梭往還,沾染一身貴氣,生活何其壯烈而華麗!

在金鐘工作已如此,在中環工作就會飛了?權貴必出於中環?日後政府總部若"遷都",少了個"權",擁抱中環價值至死的人情何以堪?

對親戚之言一笑置之,倒是看了這篇文章之後有所意見:

<<誰 是 Helen Tam>>

餐 廳 羅 收 到 三 藩 市 朋 友 電 話 , 講 及 一 間 好 有 歷 史 , 大 導 演 、 影 星 奇 連 伊 士 活 還 是 小 孩 子 , 就 跟 住 老 竇 去 老 牌 意 大 利 餐 館 Gold Spike 宣 布 結 業 , 轟 動 三 藩 市 , 成 為 市 民 談 話 焦 點 , 報 紙 電 視 台 連 續 報 道 一 個 星 期 , 情 況 比 香 港 泰 昌 餅 家 逼 遷 新 聞 還 要 轟 動 。
餐 廳 羅 三 藩 市 有 好 多 朋 友 , 每 次 去 三 藩 市 , 都 在 Gold Spike 聚 會 , 據 餐 廳 羅 講 , 呢 間 餐 廳 位 於 Columbus Ave ( 哥 倫 布 大 道 ) , 離 開 唐 人 街 ( 都 板 街 ) 只 有 兩 三 條 街 , 位 於 熱 鬧 區 位 , 創 辦 於 一 九 二 ○ 年 , 現 在 由 第 三 代 , 年 近 六 十 Paul Mechetti 經 營 , 一 向 生 意 十 分 好 , 奇 連 伊 士 活 係 常 客 , 早 已 成 為 三 藩 市 市 民 集 體 記 憶 一 部 份 。 點 解 要 關 門 呢 ? 原 來 係 香 港 風 吹 到 。 我 香 港 人 見 怪 不 怪 , 三 藩 市 人 就 認 為 係 謀 殺 歷 史 。 餐 廳 R 得 悉 , 自 大 地 震 後 , 不 少 古 老 建 築 物 要 加 強 鞏 固 , 翻 新 費 與 裝 修 費 不 在 少 數 , 大 業 主 自 然 要 長 期 租 戶 分 攤 。 翻 新 之 後 , Gold Spike 以 為 可 以 照 常 營 業 , 點 知 業 主 要 加 租 , 加 幅 甚 巨 , Gold Spike 老 闆 認 為 難 以 負 擔 , 宣 布 唔 玩 。 呢 加 租 趕 客 之 事 , 香 港 人 聽 得 多 啦 , 冇 乜 稀 奇 。 餐 廳 羅 話 : 「 三 藩 市 老 友 記 講 , 古 老 大 廈 業 主 係 一 位 香 港 女 士 , 叫 做 Helen Tam , 你 識 咁 多 人 , 知 唔 知 道 佢 係 邊 位 ? 」 唔 識 ! Tam 可 能 係 姓 譚 , Helen 呢 個 英 文 名 好 常 見 , 中 環 可 能 有 百 幾 個 Helen Tam , 點 知 係 邊 位 有 錢 人 家 ? 既 然 係 香 港 業 主 , 用 番 香 港 業 主 加 租 招 數 , 好 平 常 , 乜 美 國 佬 未 見 過 咩 ? 點 解 咁 嘈 。
餐 廳 羅 感 歎 Gold Spike 唔 識 香 港 作 風 , 開 業 八 十 六 年 , 三 代 人 都 唔 識 買 番 間 舖 , 做 乜 鬼 ? 持 有 一 間 餐 廳 舖 頭 八 十 六 年 , 淨 係 升 值 都 夠 食 幾 世 啦 ! 你 睇 「 泉 章 居 」 , 就 明 白 。 此 乃 國 情 不 同 , 意 大 利 人 在 三 藩 市 經 營 餐 廳 , 專 注 於 本 業 , 買 舖 頭 意 念 , 從 不 浮 上 心 頭 , 藝 術 家 心 態 可 以 維 持 八 十 六 年 , 已 經 算 佢 本 事 。

左丁山

源出於蘋果日報,至於左丁山為某人之分身之一,源何如此"右",不難理解,但想到大部份香港權貴以此等價值觀主管政策,令人感嘆。

整篇文章的想法是:

Gold Spike老闆Mechetti家族死蠢,藝術家心態,要不得!不懂投資之道,活該!(只得"地產"是值得投資的?傾注了86年心力經營Gold Spike不算投資?)

美國佬意大利佬未見過世面,一個中環Helen Tam就打低佢地!(點解Helen Tam一定係中環人?)

"美國佬點解咁嘈?"(嘈都唔得?!何況根本不是"嘈","美國鄉下佬"本人見識過,"難頂"之極,但三藩市居民絕非這類人!)(利益伸報:三藩市乃本人第二最愛城市也)

嘿!所謂中環價值的底蘊,和師奶親戚的價值觀有何分別?只要浮淺風光,有錢就大哂!

當地新聞: Historic Gold Spike to close next week

*********************************

分類小公告:近日私務繁忙,其中受氣不少,無心寫blog,望事件可於下月解決,不再荒廢此地!

4 comments:

角 said...

未看你的blog前,也猜你超忙啦,否則不會幾星期才更新一次吧!你所屬生肖今年好似運氣不錯(如果我沒有記錯),事情快要解決啦!

re你的topic
有一位中學朋友呀,她說要轉工,希望能在中環工作!這個意念對我實在新鮮!香港這個彈丸之地竟也有分「高級和低級商業工作地點」!

美國老外這次被香港阿林打低,係因為阿林的思考方式正正擊中老外的弱點!此非阿林既錯,而係兩地文化和習慣的差異和不同價值取向的混合物----我也很同情老外啦。

Regina said...

???my生肖沖太歲wor....

Let's meet before you leave HK, reply my email lol...

Anonymous said...

actually, I forget to ask you last time. Who is 左丁山? By rosalind

Regina said...

香樹輝,he is Mingpao's喬菁華too.